"Gedicht-Schatztruhe"

Gedichte - alphabetisch nach Stichworten sortiert

 A  B  C  D  E  F  G  H  I  J  K  L  M  N  O  P  Q  R  S  T  U  V  W  XYZ 

Hiwwe un driwwe

De Rhii

In unserem Lond will doch de Rhin
fir uns schu längscht kai Grenz mäh sin.
Mir fahre niwwer, wenn's uns g'fallt
un mache nimm om Ufer halt,
wil mir in hi kai Grenz mäh säh'n.
Wenn mir zu unserer Nochbere gäh'n,
donn fihle mir uns der dehaim
mit unserem Denke, unsere Traim'.
Geschwätz vun Trennung schtört nimm donn,
wenn er uns gar nimm trenne   k o n n .

Gonz schtill

Zwischedurch isch's zwische uns gonz schtill,
wenn kainer sich grad riere will.
Doch noch erer Zit fallt uns des uff,
un pletzlich widder b'sinnsch dich druf :
Wenn keiner vun sich heere losst,
bricht ab Kontakt, Onruef und Poscht.
Doch : Allzu schnell lauft unsere Zit,
und allzu schnell isch's au sowit :
Do kummt kei Poscht mäh an dich z'ruck.
Drum schlag vun selwer bal ä Bruck.
Wenn ich nur uff de ondere wart',
isch des in Freindschaft kaine Art.
Freindschaft läbt nur vun   j e d e r e   Sit',
wenn einer ebbs ´m ondere git

Kleini Kerz'

Du kleini Kerz', flacker' nur un glüh'!
Ich sieh' doch, wie du mit viel Müh'
din Liecht'l in die Welt nus – sendsch
un dofir dini Kraft ufwendsch !
Kai Ongscht, i blos' di jo nit us
Du gucksch für mich so tapfer rus,
das i vor dir vill Achtung hab' !
Du kämpfsch doch dicht vor dinem Grab
noch um din Läwe, bis din Licht
zu End' gäht und vun selwer bricht

G'schietli

E moncher haltet sich fir g'schiet,
wil er au   j e d i   Arbeit sieht.
En onderer schtellt sich liewer dumm
– un kummt so um vill Arbeit rum !

Usweg

Wenn ich bi ere Wohret schwitz',
donn sag' i se halt liewer "gnitz"
un schmunzel halt e weng debii.
Donn konn mer keiner bees drum sii.
Wer's nit vertragt – des losst mi kalt.
Ich denk debii: So bin i halt.

Hiwwe und driwwe

Soo long läb' ich jetz schu do hiwwe,
doch sehn' ich mich so oft noch driwwe.
Un : Bin ich au emol dert driwwe,
fiehl' ich mich grad sowie do hiwwe.
Bisch du dert driwwe   a u   gelitte,
schpiersch Haimet gar uff beide Site.

Usblick

Ich schteh do owe uf de Höh',
un guck' ich runder- was ich seh',
isch mir zu Fieße s' Paradies,
des ich in Donkbarkeit genieß' !
Un widder nus, do fließt de Rhii.
Fir's Aug' will er kai Grenze sii .
Jetz denk mol noch –des isch de Sinn –,
wu ich denn grad geschonde bin !?
D' Erfahrung isch fir dich un mich:
Egal, wu schethsch: De Blick isch glich !

E Rhiii-Bruck verzehlt

Ich iwerschponn fir eich de Rhii.
Durch mich kinne ihr verbunde sii.
Ich trag fir eich halt de Verkehr.
Der bruust dagdäglich hin un här.
Nit mol om Sundi hab' i Rue,
Do gäht's monchmol gonz b'sunders zue,
sodass I die Vermudung wag' :
Im ondere Lond isch Feiertag.
Un was machsch Besseres mit de Zit
als iikaufe, wenn's ebs billig git ?
Ich nimm des halt ergebe hin.
Wenn nur   i h r   guet verbunde sin.

Begriffs-Klärung

Ich frog mich: Heißt des "Muedersproch'",
will frieher meischt die Mueder sproch ?
War domols schu d'r Vadder schtill,
wenn d' Mueder ebbis sage will ?
Viellicht het   d e r   Usdruck gesiegt,
will domols schu oft Vadder schwiegt.

Gliches Los

Dr Winter bschert uns ´s selwe Los :
Vun Schnee bedeckt isch jedi Schtroß.
Die Gränze sin nimmi zu seh'n,
wenn mir vor gliche Sorge schtehn.
Mir ducke uns in unser Huus
un gucke zu dem Nochber nus,
dem es jetz au nit besser gäht.
Do hilft nur, wenn mär z'ommeschtäht.
Dann schafft mer au, was jedi Zit
im Augeblick als Ufgab' git.
Mer schepfe do drus sälwer Kraft
fir d' Zukunft in de Nochberschaft.